ჩვენს შესახებ

ჰაიდელბერგცემენტი სამშენებლო მასალების წარმოების აღიარებული ლიდერია გლობალურ ბაზარზე. იტალიური კომპანიის - „იტალცემენტის“ შეერთების შემდეგ კომპანიამ პირველი ადგილი დაიკავა ინერტული მასალების წარმოების მიმართულებით.  ჰაიდელბერგცემენტს მოწინავე პოზიცია უჭირავს ასევე ცემენტის და ბეტონის წარმოებაში. კომპანიის ძირითადი საქმიანობა სწორედ ამ სფეროებს მოიცავს, თუმცა ზოგიერთ ქვეყანაში ორიენტირი კეთდება სხვა სამშენებლო პროდუქტზეც, როგორიცაა, მაგალითად, ასფალტის წარმოება და სხვა მიმართულებები.

ჰაიდელბერგცემენტი საქართველოში 2006 წლიდან ოპერირებს და წამყვან ბრენდს წარმოადგენს ცემენტის და ბეტონის ადგილობრივ ბაზარზეც.  კომპანია ფლობს ცემენტის ქარხნებს კასპში (1) და რუსთავში (2), ასევე ცემენტის წისქვილს ფოთში და ცემენტის ტერმინალს სუფსაში.

ჰაიდელელბერგცემენტი  კლინკერის ერთადერთი მწარმოებელია საქართველოში. 

ბეტონის პირველი ქარხანა ქვეყანაში 2009 წელს ამოქმედდა.  ამჟამად ჰაიდელბერგცემენტი 15 ბეტონის ქარხანას ითვლის. ქვეყანაში მიმდინარე თითქმის ყველა მსხვილ სამშენებლო პროექტს სწორედ ჰაიდელბერგცემენტი ამარაგებს ცემენტით და ბეტონით.  

ჰაიდელბერგცემენტმა 200 მილიონ ევროზე მეტი ინვესტიცია განახორციელა საქართველოში, რაც, ძირითადად, ცემენტის არსებული ქარხნების მოდერნიზაციაზე და ბეტონისა და ინერტული მასალების საწარმოო ხაზის გაფართოებაზე იყო ორიენტირებული.

კომპანიას საქართველოში 1200-ზე მეტი ადამიანი ჰყავს დასაქმებული.